看日本冊的阿母(台文習作)-Sunkuo│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,542,252 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:1349659

Sunkuo 的日記本

快速選單

夢《前一篇

後一篇》哈哈..有趣..真的是這樣嗎?

回應

給他日記貼紙

給他愛的鼓勵

檢舉

篇名: 看日本冊的阿母(台文習作)
作者: Sunkuo	日期: 2008.02.13　　天氣: 　心情:

看日本冊的阿母

阮阿母年歲已經78矣，中風欲10冬啊！愛坐輪椅。

頂頂禮拜，我轉去山頂看伊，拄好我穿的淺拖仔頂懸有印著「查甫人的鞋」的日本字。我雄雄聽著阿母講「o to ko no ku tsu」，驚一趒，問伊：「阿母，妳哪看有？佫會曉講咧？」

阿母喙笑目笑講：「會no，阮以早有讀過啊，今嘛攏嘛抑會記得！」真厲害，真正敖！60冬前所學的物件，無佫重學過，抑無佮人te講，抑是te寫，是安怎阿母會記ka牢牢，攏無去放袂記去咧？人不是講語言的物件久若無用，就足緊會放袂記？就親像我，早前所學的英文，足長的ㄧ段時間無用著，也無佫複習，今嘛已經差不多攏還予老師了了矣。真是乎我想袂曉，阿母哪佮人所講的會無仝款咧？

彼當陣，我就講足濟的名詞佮物件予阿母翻作日語；查某人：「on na」；囝仔「ko do mo」；狗仔「i奴」；豬仔「bu ta」；手「te」；跤「ashi」；咦！真正攏會曉呢！續落來，日頭「taiyou」；月娘「tsuki」；天星「hoshi」；講到遮，我調故意講：「天星就是乎死哦」！阿母笑各【註1】咯咯叫，佫用手te拭目屎。

後--來，伊問我講：「今--甘有佇賣日語的冊？」我講：「有啊，冊局裏面足濟no！佫有cd會當予妳用聽的喔！伊就交代我後逝若有落山，買ㄧ本轉來予伊看。

頂禮拜二，我拄好有落山去，就去金石堂冊局看覓，冊櫃頂有足濟e，目睭看各【仝註1】花sa sa，揀來揀去，尾手撿了三本。這禮拜日紮轉去厝，the乎阿母看。阿母看著冊，目周【註2】kui e攏金起來，足歡喜e。我就共冊掀到字母50音的所在佮伊作伙唸，a，i，u，e，o，ka，ki，ku，ke，ko…………。對（ui）頭唸到尾，佫對橫唸到直，a，ka，sa，ta………。伊講：「因【註3】」較早te讀冊的時陣就是愛按呢橫的、直的攏愛會曉唸，正楷、草的（平假名）嘛攏愛會曉寫。字母唸sua ，續咧看單字、名詞。看伊看各【仝註1】足心適e，佫足有趣味e款，就親像華語所講的「欲罷不能」仝一款樣。

我因為愛趕轉去學校值班，就共阿母講：「這三本冊乎妳慢慢仔看，毋通看siunn緊喔，妳若看過頭緊，會不夠冊好予妳看喔！」阿母笑各【仝註1】喙仔哩sai sai，in講：「好啦，我tsiann【註4】慢慢仔看啦，ㄧ工看ㄧ頁就好矣。」實在講，看阿母看冊看各遐呢歡喜，我的心內嘛是足歡喜e，足想欲佫留落來佮伊作伙看冊，作伙唸冊。

【註1】各應為彳+各，為語助詞，如痛「各」欲死；枵（餓）「各」大腸告小腸。
【註2】目周為眼睛，周應為目+周。
【註3】他們，應為人+因
【註4】tsiann，為「才」的意思，我才怎樣之意。

誠感謝學識豐富佮足熱心的珍妮老師共我指導佮幫贊，非常努力.多謝。

標籤:

瀏覽次數:209 人氣指數:5009 累積鼓勵:240

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：