2023.7.6-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,994 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.7.5 《前一篇

後一篇》 2023.7.7

回應

給他日記貼紙

給他愛的鼓勵

檢舉

篇名: 2023.7.6
作者: C	日期: 2023.07.06　　天氣: 　心情:

今仔日是七月初六，禮拜四。我佇葛雷多摸非。
昨昏小妹無開刀，因為發燒。可能愛等甲拜五才看覓。
昨昏摸非了，就轉去洗被仔佮床巾。太太講伊最近睏攏會癢，
我先款四樓的屜仔，看著誠濟過去的物件，
三十外冬前的汽車剪報資料、大學時作的木工作品、收集的電話卡、聽的卡帶；
二十冬前，前女朋友予我的第一條紙條仔，十外冬前相親對象的電話、洗頭毛留的名片，去台南讀冊的火車月票...
猶閣有幾枝用過的手機仔。
一个屜仔親像我前半世人生的縮影。
閣過，我閣起去五樓厝尾頂，想欲將收起來的物件，閣做一擺整理，順紲揣失蹤的證件。
其實咧整理的時陣，我已經先敲電話去問欲重辦理補發矣。
物件誠濟，我一下晡款攏袂好勢。
猶有看著國小時陣的簿仔，閣有第一張寫的，無送出去的批。
是國小三年時偷偷佮意的同學破病，老師叫全班寫批慰問，我因為歹勢，就無送出去。
其他大部分紙類，若毋是佇台南讀冊時印的資料，就是開始上班做行政時陣的資料。
我想著似曾相識彼齣電影，抑是我...迴光返照咧？

欲四點時，落去問阿母敢欲牚妹婿去顧小妹？阿母講小妹因為發燒無開刀。
所以就無去共看。
太太敲電話提醒我愛轉數，我心肝頭煞趒一下，這个月驚無夠用。
厝貸款猶未納，燃料稅猶未 8納、卡費猶未來、連鞭佮愛去保養車、去北部耍....
今仔日才初六....
太太佮叫我去公園等，陪囡仔運動放電。
我就先轉數、佮提跤球去公園等，較欲半點鐘伊才到。
佮囝仔踢一時仔球了，囡仔閣愛去上機器人課

暗時囡仔伊一轉來，就閣大聲賀欲佮阿公阿媽耍牌仔
喝甲大細聲，變甲誠鬧熱，
等到妹婿取囡仔轉來，伊就隨起去欲佮哥哥妹妹耍。
無想到去予太太叫起去彈琴，我起去的時，妹妹乖乖佇邊仔聽囡仔彈琴。兩个攏誠古錐。
哥哥嘛起來，等囡仔洗身軀的時，就換伊彈琴。

標籤:

瀏覽次數:163 人氣指數:163 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：