2023.5.21-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,994 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.5.20 《前一篇

後一篇》 2023.5.24

回應

給他日記貼紙

給他愛的鼓勵

檢舉

篇名: 2023.5.21
作者: C	日期: 2023.05.21　　天氣: 　心情:

今仔日是五月二一，禮拜日。我佇葛雷多摸非。
昨昏摸非了，轉去，阿母講伊可能著獎矣。
我聽伊的聲，有影怪怪，隨共驗，二索。
我順紲共阿爸驗，若欲去看醫生，拄好兩个做伙去。
結果阿爸是一索。
阿母敲電話叫車，我陪伊去阮綜合。
醫生講抗病毒的藥仔誠貴，較欲四萬箍，愛食甲了。

轉去了，阿爸問我有閒無？
我就載伊去庄跤看園仔這馬按怎。
草仔已經發誠懸。有一欉弓蕉煞焦去。兩三粒檨仔落落來。
阿爸講欲包檨仔，提包袋仔來包。拄好用完。
隨開車去橋仔頭市仔，揣彼間農藥行買兩包。130。
開省道轉去，較慢。到厝了，隨閣行去買豬跤飯予阿爸阿母，我家己買雞肉飯。

中晝閣綴太太囡仔去王記食飯。
驚囡仔無聊，我教伊耍飛行機大戰。
食了去屈臣氏買藥仔，我買一罐抹癢的。
了，閣予太太載我去剃頭。

下晡囡仔愛睏閣毋甘睏，閣我行棋，烏白行無好耍，
我就去收衫收被仔，
太太共囡仔勾耳空，伊講早時已經夾一塊大塊。時中晝轉來，囡仔耳空有淡薄痛。
結果，下晡閣夾出一塊夭壽大塊的耳屎，攏翻烏色的，誠驚人。
五點半我問太太敢欲買飯予阿爸阿母。
結果囡仔拄睏，阿爸阿母講伊有糜，毋免買。
我就佮太太家己兩人去後壁巷仔約會食牛排，順紲包一碗密轉來予囡仔。

代誌有夠濟。

太太講伊的嚨喉閣痛起來，閣開始嗽。
伊已經足畏食西藥，丈姆寄來的嗽藥仔嘛食無效。
我實在建議，若真正袂堪，嘛是愛予醫生進一步檢查。

對四月初到這馬，個外月，規家攏無捌停過。
阿兄攏怪是阿姊去阿爸阿母母親節去食漢神餐廳時著的。
這嘛誠歹講。反正攏著矣，先予好才要緊。

昨暝做一个夢，是公司的代誌。
上無問題彼批產品竟然出包。這敢是予我啥物暗示？
我趕緊來做。

標籤:

瀏覽次數:174 人氣指數:574 累積鼓勵:20

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：