2022.01.02-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,994 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2021.12.31 《前一篇

後一篇》 2022第一週

回應

給他日記貼紙

給他愛的鼓勵

檢舉

篇名: 2022.01.02
作者: C	日期: 2022.01.02　　天氣: 　心情:

今仔日是2022年新曆一月初二，禮拜日，我佇羅伯摸非，逐个新年快樂。
今仔日起，我的新年希望就是，愛準節開銷，每一筆攏愛紀錄，褲袋仔無通閣囥錢烏白落。
有歲矣，嘛愛儉寡錢。
講著錢，昨昏領兩萬，提兩千予太太，今仔日欲叫瓦斯，春的明仔日欲交囡仔註冊錢。
囡仔讀私立夭壽貴，我才知影：查甫人的肩胛頭和橐袋仔深度有關係
莫怪我攏遮軟汫。

講一下仔這幾日：
拜五透早，出門前予囡仔提伊畫的卡片，和美國視訊。
出門了，佇東山歇睏，閣過洛斗六，去石榴火車頭看火車，
囡仔熟似一个查某囡仔，和伊阿公欲做火車落南，去台南揣阿母。
太太和囡仔翕相了，就佇遐畫圖。
欲暗仔才去霧峰黃昏市仔買菜轉去。
暗時予丈姆和阿爸阿母視訊，彼暗佇台中過年，
昨昏透早我閣去買早頓，
丈姆嫌冰的，應該是囥過暝，攏無青，誠歹勢，我後擺愛注意，就伊現做才著。
了後為著欲予囡仔食較燒得，我竟然用塑膠碗落去電鍋炊
結果真麻煩，揬外鍋底揬規晡。
囡仔真歡喜，阿舅閣買糖仔予伊，
囡仔講欲去踢球，我予伊練習騎阿媽的三輪車，愈騎愈好愈心適，
到土地公廟仔，伊無愛踢球，干焦想欲耍沙仔。
中晝煮大麵枝，我添五碗。
下晡欲轉來時，囡仔愛睏花，先共洗身軀了才轉來。
想講趕八點前到厝，先叫瓦斯，結果八點十分，瓦斯行講師傅歇睏，愛明仔載。

同事楊大仔叫我新年希望是改薰，我知影誠困難。
單純的生活會較健康，莫拍電動，加減運動，莫想欲坐咧食薰
我若予家己較無閒咧，舅袂揣機會落去地下室食薰拍電動，
也儉錢，也健康，也會當好好做工課。
手機仔莫帶，加行去捌位影印亦好，莫一个人。
用冊代替手機仔，用漉喙洗面代替食薰，想好每一步工課。
看會食較少未。
這馬身軀頂無兩包菸攏無安全感，
攏會不時想欲閣買，結果就愈食愈重食牢咧。
時間嘛按呢食了去

標籤:

瀏覽次數:153 人氣指數:153 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：